జాతీయ విద్యా దినోత్సవం

జనరల్‌ నాలెడ్జ్‌ చరిత్రలో ఈనాడు నవంబరు 11

దేశ భవిష్యత్తును రూపొందించడంలో, ఆవిష్కరణలను ప్రోత్సహించడంలో విద్య ముఖ్య భూమిక పోషిస్తుంది. నైపుణ్యంతో కూడిన చదువుల ద్వారానే మానవాభివృద్ధి తద్వారా దేశాభివృద్ధి సాధ్యమవుతాయి. అందుకే దేశానికి స్వాతంత్య్రం వచ్చాక ప్రభుత్వాలు చదువుకు అధిక ప్రాధాన్యం ఇచ్చి, అందరూ విద్యను అభ్యసించేలా ప్రోత్సహిస్తున్నాయి. భారతదేశ తొలి విద్యాశాఖ మంత్రి మౌలానా అబుల్‌ కలాం ఆజాద్‌. ఆయన ఈ పదవిలో చాలా కాలం పనిచేశారు. దేశంలో విద్యాభివృద్ధికి ఆయన అనేక కార్యక్రమాలు చేపట్టారు. అబుల్‌ కలాం జయంతిని పురస్కరించుకుని మన దేశంలో ఏటా నవంబరు 11న ‘జాతీయ విద్యా దినోత్సవం’గా (National Education Day) నిర్వహిస్తారు.