జర్మనీలో జెన్ జీ జంగ్ సైరన్.. జీవనవ్యయం పెరగడంపై దేశవ్యాప్త ఆందోళనలు

బెర్లిన్: యూరప్​భగ్గుమంటోంది. ఫ్రాన్స్‌‌‌‌‌‌‌‌లో ప్రారంభమైన జెన్​జీ ఉద్యమం ఇటలీ, స్పెయిన్ మీదుగా తాజాగా జర్మనీకి కూడా పాకింది. జీవన వ్యయం, విద్యారంగంలో మౌలిక వసతుల కొరత, నిర్బంధ సైనిక సేవ వంటి నిర్ణయాలకు వ్యతిరేకంగా వేలాదిమంది యువతీ యువకులు వీధుల్లోకి వచ్చి ఆందోళనలు చేపట్టారు. జర్మనీవ్యాప్తంగా ‘జెన్ జెడ్’ చేపట్టిన ఈ భారీ నిరసనలు హింసాత్మకంగా మారాయి. అల్లరిమూకలు పెట్రోల్‌‌‌‌‌‌‌‌ బాంబులు విసరడంతో పలువురు పోలీసులు గాయపడ్డారు. ఆందోళనలను అదునుగా చేసుకొని కొందరు దుండగులు ఫ్రాంక్‌‌‌‌‌‌‌‌ఫర్ట్‌‌‌‌‌‌‌‌లో షాపులను లూటీ చేశారు. దుకాణాల్లోకి చొరబడి లగ్జరీ వస్తువులను దోచుకున్నారు. వాహనాల అద్దాలు…

ప్రజలకు ఆర్థిక భద్రత, మెరుగైన ప్రజా సేవలు అందించాలని, నిరంతరం పెరుగుతున్న నిత్యావసర ధరలను తగ్గించాలని ఆందోళనకారులు డిమాండ్‌‌‌‌‌‌‌‌ చేస్తున్నారు. హాలోవీన్ వేషధారణలతో విద్యార్థులు, యువ ఉద్యోగులు ప్రభుత్వ విధానాలపై వినూత్న రీతిలో తమ నిరసనను గళం విప్పారు. శనివారం రాత్రి ఫ్రాంక్‌‌‌‌‌‌‌‌ఫర్ట్ నగరంలో జరిగిన ర్యాలీలో లక్షా అరవై వేలకు పైగా యువత పాల్గొన్నారు. అయితే, నిరసన ప్రదర్శనలను పోలీసులు అడ్డుకునేందుకు ప్రయత్నించడంతో తీవ్ర ఉద్రిక్తత పరిస్థితులు నెలకొన్నాయి.