జీతం రూ.80 వేలు కిరాణా కొట్టుకు, తినటానికే సరిపోతుంది: ఐటీ ఉద్యోగే ఇలా అంటే.. సామాన్యుల పరిస్థితి ఏంటీ..?

ఆకాశాన్నంటుతున్న నగరాల్లోని ఖర్చులు ఇప్పుడు భారీ వేతనాలు అందుకునే ఐటీ ఉద్యోగులను కూడా ఆందోళనకు గురిచేయటం నెట్టింట చర్చలు దారితీసింది. తాజాగా బెంగళూరుకు చెందిన ఓ టెక్కీ పెట్టిన పోస్ట్ సోషల్ మీడియాలో అందరి దృష్టిని ఆకర్షిస్తోంది. కుటుంబ పోషణ కోసం నగరాల్లో పడుతున్న ఇబ్బందులను, పెరుగుతున్న నిత్యవసర ధరలను ఈ ఉదంతం కళ్లకు కడుతోంది. ఈ ఖర్చుల్లో సాధారణ జనం కుటుంబాలను ఎలా నెట్టుకొస్తున్నారనే ప్రశ్న ఇప్పుడు వైరల్ గా మారింది.

బెంగళూరుకు చెందిన రామ్శ్రీ గౌతమ్ గొల్ల అనే సోషల్ మీడియా యూజర్ తన కుటుంబ ఖర్చుల గురించి ఒక పోస్ట్ పెట్టారు. తన ఫ్యామిలీలో ఇద్దరు పెద్దలు, ఇద్దరు చిన్నారులు ఉన్నారని.. బయట ఎక్కడా ఫుడ్ ఆర్డర్ చేయకుండా.. పూర్తిగా ఇంట్లోనే వంట చేసుకుంటున్నప్పటికీ నెలకు కేవలం తిండి, కిరాణా ఖర్చులకే రూ. 60వేల నుంచి రూ. 80వేల వరకు ఖర్చవుతోందని వాపోయారు. వారానికి 2 సార్లు మాత్రమే నాన్-వెజ్ తింటున్నప్పటికీ ఈ స్థాయిలో బిల్లు వస్తోందని.. "ఈ కాలంలో అందరూ ఎలా బతుకుతున్నారు?" అంటూ ఆవేదన వ్యక్తం చేశారు.