జ్ఞానేష్‎కు సీఈసీగా కొనసాగే అర్హతే లేదు.. వెంటనే పదవి నుంచి తొలగించండి: రాహుల్

న్యూఢిల్లీ: దేశంలో ఓట్ చోరీకి మోడీ ప్రభుత్వమే కారణమని కాంగ్రెస్ అగ్రనేత, లోక్ సభ ప్రతిపక్ష రాహుల్ గాంధీ అన్నారు. సర్ ప్రక్రియలోని అక్రమాలను నిరసిస్తూ సీఈసీ జ్ఞానేష్ కుమార్‎ను పదవి నుంచి తొలగించాలని డిమాండ్ చేస్తూ శనివారం (అక్టోబర్ 31) ఇండీ కూటమి మాక్ పార్లమెంట్ చేపట్టింది. ఢిల్లీలోని ఏఐసీసీ చీఫ్ మల్లికార్జున ఖర్గే నివాసంలో ఈ కార్యక్రమం నిర్వహించారు. మాజీ లోక్ సభ స్పీకర్ మీరా అధ్యక్షత వహించారు.

సర్ ప్రక్రియలో అక్రమాలకు పాల్పడ్డ సీఈసీ జ్ఞానేష్ కుమార్‏ను తక్షణమే పదవి నుంచి తొలగించాలని మల్లికార్జున ఖర్గే ప్రజా అభిశంసన తీర్మానం ప్రవేశపెట్టారు. ఈ సందర్భంగా రాహుల్ గాంధీ మాట్లాడుతూ.. 2024 పార్లమెంట్ ఎన్నికల్లో అక్రమాలు జరిగాయని ఆరోపించారు. 2024లో ప్రతిపక్షానికి, అధికార పక్షానికి కేవలం 3 శాతం ఓట్ల తేడా మాత్రమే ఉందన్నారు. గత పార్లమెంట్ ఎన్నికల్లో ఓటు వేసిన 15 శాతం మంది ఓట్లు తీసేశారని ఆరోపించారు. 2024లో బీజేపీ ఎంపీలు అక్రమంగా లోక్ సభలోకి ప్రవేశించారని సంచలన వ్యాఖ్యలు చేశారు.