కాంగ్రెస్‌ పాపం పాలమూరుకు శాపం

కరువులోనూ కల్పతరువుగా నిలువాలని గత కేసీఆర్‌ ప్రభుత్వం దూరదృష్టితో ఉమ్మడి మహబూబ్‌నగర్‌, రంగారెడ్డి జిల్లాలకు సాగు, తాగునీరందించేందుకు ఒకటి కాదు రెండు కాదు ఏకంగా ఐదు భారీ రిజర్వాయర్లను సిద్ధం చేసింది. శ్రీశైలం నుంచి ఆయా రిజర్వాయర్లలోకి నీటిని ఎత్తిపోయడానికి పంపులనూ రెడీ చేసింది. వందల కిలోమీటర్ల మేర కాలువలనూ తవ్వించింది. జస్ట్‌.. 2.5 కిలోమీటర్లు తవ్వితే మొత్తం సంపూర్ణమయ్యేది. ఎన్నికలు రావడంతో ఆ పనులు ఆగిపోయాయి. ప్రభుత్వం మారింది. కాంగ్రెస్‌ అధికారంలోకి వచ్చింది. కేసీఆర్‌ మీద కోపమో లేక పాలమూరు బిడ్డల మీద పగో తెలియదు గానీ, మిగిలిపోయిన 2.5 కిలోమీటర్ల కాలువ పనులను పూర్తిచేయకుండా రేవంత్‌ సర్కార్‌…

శ్రీశైలంలో నీళ్లున్నయ్‌. ఇప్పటికైనా 32 టీఎంసీలు పాలమూరుకు పారించుకోవచ్చు. నామమాత్రంగా ఎత్తితేనే నార్లాపూర్‌లో కొన్ని నీళ్లు చేరినయ్‌. పూర్తిగా వాడుకుంటే 6.4టీఎంసీల దాకా నీళ్లు నింపొచ్చు. కానీ అక్కడినుంచి ఏదులకు నీళ్లు పారాలంటే మధ్యలో 2.5 కిలోమీటర్ల దూరం కాలువ లేదు. కాంగ్రెస్‌ సర్కార్‌ పూర్తిచేయలేదు. ఫలితంగా శ్రీశైలం నుంచి నార్లాపూర్‌ దాకా చేరిన నీళ్లు.. ఏదుల రిజర్వాయర్‌కు అందలేదు. వట్టెం రిజర్వాయర్‌ను తాకలేదు. కరివెనకు కదలలేదు. ఉద్ధండాపూర్‌ను చేరలేదు. ఏనుగు పోయి, తోక చిక్కి నట్టు.. పాలమూరు-రంగారెడ్డి మహాప్రాజెక్టును కేసీఆర్‌ సర్కారే పూర్తిచేసింది కానీ, 2.5 కిలోమీటర్ల కాలువను కాంగ్రెస్‌…