కన్నీళ్లు పెట్టుకుంటూ టీడీపీకి మాజీ ఎమ్మెల్యే గుండ లక్ష్మీదేవి రాజీనామా

శ్రీకాకుళం: టీడీపీకి మాజీ ఎమ్మెల్యే గుండ లక్ష్మీదేవి రాజీనామా చేశారు. అరసవల్లిలోని తన ఇంటిలో మీడియా సమావేశం నిర్వహించి టీడీపీకి రాజీనామా చేస్తున్నట్లు ప్రకటించారు. ఈ సందర్భంగా ఆమె కన్నీటి పర్యంతమై ఆవేదన వ్యక్తం చేశారు.

గత రెండేళ్లుగా అడుగడుగునా అవమానాలు ఎదురయ్యాయని గుండ లక్ష్మీదేవి భావోద్వేగానికి లోనయ్యారు. దాదాపు 40 ఏళ్ల పాటు ఎన్టీఆర్ నుంచి చంద్రబాబు నాయకత్వం వరకూ తన కుటుంబం టీడీపీ అభివృద్ధికి నిరంతరం శ్రమించిందని.. అలాంటి పార్టీని వీడాల్సి రావడం బాధాకరమని ఆమె ఆవేదన వ్యక్తం చేశారు.