కర్ణాటక జల దోపిడీని అడ్డుకోవాలి.. రేవంత్ సర్కార్‌ తక్షణమే స్పందించాలి.. శ్రీనివాస్ గౌడ్ డిమాండ్

తుంగభద్ర డ్యాం నుంచి తెలంగాణకు విడుదల చేసిన నీటిని కర్ణాటక తాగునీటి అవసరాల పేరుతో అక్రమంగా మళ్లిస్తోందని మాజీ మంత్రి వి. శ్రీనివాస్ గౌడ్ ఆరోపించారు. ఈ వ్యవహారంపై తెలంగాణ ప్రభుత్వం తక్షణమే స్పందించి, రాష్ట్ర రైతులకు న్యాయం చేయాలని డిమాండ్ చేశారు. ఆర్డీఎస్ ఆయకట్టు రైతులకు సాగునీరు అందకపోవడంపై ముఖ్యమంత్రి రేవంత్ రెడ్డి ఉన్నతాధికారులతో అత్యవసర సమీక్ష నిర్వహించాలని కోరారు.

తెలంగాణ నీటిపారుదల శాఖ అక్టోబర్ 10 నుంచి 24 వరకు 15 రోజుల వ్యవధిలో సుమారు 3 టీఎంసీల నీటిని విడుదల చేయాలని తుంగభద్ర బోర్డును కోరినట్లు శ్రీనివాస్ గౌడ్ తెలిపారు. ఇందులో భాగంగా తొలి ఐదు రోజులు రోజుకు 2,500 క్యూసెక్కులు, తదుపరి ఐదు రోజులు 2,300 క్యూసెక్కులు, చివరి ఐదు రోజులు 2,100 క్యూసెక్కుల నీటిని విడుదల చేయాలని ప్రతిపాదించినట్లు పేర్కొన్నారు.