కరువుపై కేంద్రం సైలెన్స్.. 365 మండలాల్లో ఎండిపోయిన పంటలు

హైదరాబాద్, వెలుగు: ఎల్‌‌‌‌నినో ప్రభావంతో రాష్ట్రంలో 365 మండలాల్లో వర్షాభావం వల్ల పంటలు ఎండిపోయి రైతులు అల్లాడుతుంటే, కేంద్ర ప్రభుత్వం నుంచి ఇప్పటికీ ఎలాంటి స్పందన రాలేదు. కరువు తీవ్రతపై రాష్ట్ర ప్రభుత్వం 10 నుంచి 15 రోజుల కిందటే సమగ్ర నివేదిక పంపింది. వారం కిందటే కరువు మండలాలను ప్రకటిస్తూ గెజిట్ నోటిఫికేషన్ కూడా విడుదల చేసింది. అయినా క్షేత్రస్థాయిలో నష్టాన్ని అంచనా వేసేందుకు కేంద్రం ఇప్పటివరకు బృందాలను పంపలేదు. ప్రస్తుతం గ్రామాల్లో వరి కోతలు వేగంగా సాగుతున్నాయి. కేంద్ర బృందాలు వచ్చే సరికి కోతలు పూర్తయితే ఎండిపోయిన పంట నష్టాన్ని ఎలా అంచనా వేస్తారనే ప్రశ్నలు తలెత్తుతున్నాయి. గతంలో భారీ వరదలతో…

వర్షాభావంతో పంటలు ఎండిపోతే రాష్ట్ర ప్రభుత్వం ప్రత్యేక అధ్యయనం చేసి కరువు మండలాలను గుర్తిస్తుంది. వర్షపాతం లోటు, రిజర్వాయర్లలో నీటిమట్టాలు, శాటిలైట్ డేటా, సాగు విస్తీర్ణంలో తగ్గుదల వంటి గణాంకాల ఆధారంగా కరువును లెక్కిస్తారు. వీటిని కేబినెట్‌‌‌‌లో సమీక్షించి జీవో ద్వారా కరువు మండలాలను నోటిఫై చేస్తారు.