కొంపలు కూల్చే బిగ్‌రోడ్‌.. నార్సింగిలో రాయలసీమ రియల్టర్‌తో కలిసి బిగ్‌ బ్రదర్‌ హల్‌చల్‌

కొంపలు మింగే ‘బిగ్‌’ అనకొండ.. ‘రహదారి ముసుగు’లో బుసలు కొడుతున్నది. అత్యంత విలువైన భూములున్న నార్సింగిలో మధ్యతరగతి ఇండ్లకు నాసు పెట్టింది. ఇష్టారీతిన మలుగుతూ పోతూ సామాన్యుల ప్లాట్లు స్వాహా చేసేందుకు కాచుకుకూర్చున్నది. ఓ రాయలసీమ రియల్టర్‌తో కలిసి బిగ్‌ బ్రదర్‌ సాగిస్తున్న ఈ అరాచక వేట.. వేలాది కుటుంబాల్లో ప్రకంపనలు పుట్టిస్తున్నది. అధికార యంత్రాంగం సైతం అండగా నిలువడంతో అడ్డొచ్చిన అపార్టుమెంటుకల్లా రెడ్‌మార్క్‌ వేసి కూలదోసే కుట్రకు తెరలేచింది. ఖరీదైన భూములను డెవలప్‌మెంట్‌ అగ్రిమెంట్‌ కింద రాయించుకొని, వాటికనుగుణంగా అలైన్‌మెంట్‌ మార్చి వేల కోట్ల రియల్‌ దందా నడిపేందుకు ‘దారి’పడుతున్నది.

నార్సింగి నుంచి కోకాపేట గోల్డెన్‌ మైల్‌ కాలనీ రహదారుల్లో నిత్యం ట్రాఫిక్‌ రద్దీ తీవ్రంగా ఉంటుంది. ఆ రోడ్లను వంద అడుగుల విస్తీర్ణం చేయడంలో అర్థం ఉన్నది.