Koppula Eshwar | గోదావరిఖనిలో అభివృద్ధి ఫైలాన్ కూల్చివేత అత్యంత దుర్మార్గం.. మాజీ మంత్రి కొప్పుల ఈశ్వర్‌

Koppula Eshwar | ​గోదావరిఖని : రామగుండం నియోజకవర్గంలో కాంగ్రెస్ స్థానిక ఎమ్మెల్యే నియంతృత్వ పాలన కొనసాగిస్తున్నారని తెలంగాణ రాష్ట్ర మాజీ మంత్రి కొప్పుల ఈశ్వర్ తీవ్రస్థాయిలో ధ్వజమెత్తారు. బీఆర్ఎస్ ప్రభుత్వ హయాంలో రామగుండం ప్రాంతంలో చేపట్టిన అపూర్వ అభివృద్ధికి నిదర్శనంగా నిలిచిన అభివృద్ధి ఫైలాన్ ను మున్సిపల్ అధికారులు దొంగచాటుగా తొలగించడాన్ని ఆయన తీవ్రంగా ఖండించారు. ​ఈ సందర్భంగా మాజీ మంత్రి కొప్పుల ఈశ్వర్ ఓ ప్రెస్ నోట్ విడుదల చేశారు. గత బీఆర్‌ఎస్ ప్రభుత్వ హయాంలో అప్పటి ఐటీ, పురపాలక శాఖ మంత్రి కేటీఆర్ నేతృత్వంలో రామగుండంలో ఐటీ పార్క్, మౌలిక వసతులు, తాగునీటి పథకాలు సహా కోట్లాది రూపాయలతో చేపట్టిన…

మున్సిపల్ అధికారుల తీరుపై ఆయన తీవ్ర ఆగ్రహం వ్యక్తం చేశారు. ప్రజాస్వామ్యబద్ధంగా విధులు నిర్వహించాల్సిన అధికారులు మున్సిపల్ కమిషనర్ కాంగ్రెస్ ఎమ్మెల్యేకు తొత్తులుగా వ్యవహరించడం సిగ్గుచేటని వ్యాఖ్యానించారు.ఎమ్మెల్యే ఏది చెబితే అది చేయడమే అధికారుల పనా? అని నిలదీశారు. రామగుండంలో కాంగ్రెస్ ప్రభుత్వంలో ఇలాంటి అక్రమాలు కొత్తేమీ కాదని, గత కొన్ని నెలలుగా చివరకు దేవాలయాలను కూడా వదలకుండా కూల్చివేస్తున్నారని గుర్తు చేశారు. ​కట్టడాలను కూల్చివేసినంత మాత్రాన ప్రజల గుండెల్లో నిలిచిపోయిన బీఆర్ఎస్ అభివృద్ధిని, కేసీఆర్ జ్ఞాపకాలను చెరిపివేయడం కాంగ్రెస్ నాయకుల వల్ల కాదని కొప్పుల ఈశ్వర్ స్పష్టం చేశారు.