కొత్త బొగ్గు గనులతోనే ఉపాధి... సింగరేణికి కొత్త గనులు వచ్చేలా సర్కార్ చర్యలు: మంత్రి వివేక్ వెంకటస్వామి

కోల్ బెల్ట్/చెన్నూరు/బెల్లంపల్లి, వెలుగు: సింగరేణికి కొత్త గనులు దక్కితేనే కోల్ బెల్ట్ ప్రాంతాలు అభివృద్ధి చెందుతాయని, ఇక్కడి యువతకు ఉద్యోగ, ఉపాధి అవకాశాలు లభిస్తాయని మంత్రి వివేక్ వెంకటస్వామి అన్నారు. కేంద్ర ప్రభుత్వం నిర్వహించే వేలంలో సింగరేణి పాల్గొని కొత్త బొగ్గు గనులను దక్కించుకొనేలా రాష్ట్ర సర్కార్ ప్రోత్సహిస్తుందని చెప్పారు. దసరా పండుగను పురస్కరించుకొని మంగళవారం మంచిర్యాల జిల్లా చెన్నూరు, మందమర్రి, బెల్లంపల్లి పట్టణాల్లో మంత్రి వివేక్ వెంకటస్వామి-, సరోజ దంపతులు పర్యటించారు.

సింగరేణి యాజమాన్యం ఆధ్వర్యంలో మందమర్రిలోని సింగరేణి హైస్కూల్ గ్రౌండ్, బెల్లంపల్లిలోని తిలక్ స్టేడియంలో దసరా, రామ్ లీలా సంబురాలకు మంత్రి వివేక్ దంపతులు, బెల్లంపల్లి ఎమ్మెల్యే వినోద్, జిల్లా కలెక్టర్ కుమార్ దీపక్, జడ్జి నిరోషా, మందమర్రి ఏరియా సింగరేణి జీఎం ఎన్.రాధాకృష్ణ, -శ్రీవాణి దంపతులు, సింగరేణి గుర్తింపు సంఘం స్టేట్ ప్రెసిడెంట్ వాసిరెడ్డి సీతారామయ్య హాజరయ్యారు. మందమర్రిలోని వెంకటేశ్వరస్వామి ఆలయంలో పూజల అనంతరం మంత్రి వివేక్‌‌ దంపతులు, కలెక్టర్, లీడర్లతో కలిసి స్వామివారి ఉత్సవ విగ్రహాలను పల్లకీలో ఊరేగింపుగా సింగరేణి హైస్కూల్ గ్రౌండ్‌‌కు తీసుకొచ్చారు. అనంతరం చెన్నూరు ఎమ్మెల్యే క్యాంప్…