క్షమ... కృతజ్ఞత

క్షమ... సత్యం, నిత్యం, శాశ్వతం అని అశోకవనానికి వచ్చిన ఆంజనేయుడితో చెబుతుంది సీతాదేవి. అప్పటివరకు ఆమెను ఎన్నో విధాలుగా హింసించిన రాక్షస స్త్రీలను చంపుతానని హనుమ అన్నప్పుడు సీత ‘క్షమించడం దేవతా గుణం’ అని సమాధానమిస్తుంది. దానికి సంబంధించి ఒక కథను కూడా వివరిస్తుంది.

అడవి మార్గంలో నడుస్తున్న మనిషి, పులి కనిపించగానే దగ్గరలోని చెట్టు ఎక్కాడు. ఎక్కాక చూస్తే చెట్టు పైన ఎలుగుబంటి కనిపించింది. కింద పులి, పైన ఎలుగుబంటి. భయంతో వణుకుతున్న మనిషిని చూసి ‘నువ్వు నా అతిథివి నిన్ను ఏమీ చేయను, భయపడకు’ అని ఎలుగు అభయం ఇచ్చింది. కొద్దిసేపటికి మనిషి నిద్ర పోతుంటే కింద పడకుండా కాపాడుతూ కూర్చుంది. తరవాత ఎలుగు నిద్రపోతున్న సమయంలో పులి ‘ఎలుగుబంటిని కిందికి నెట్టు. దాన్ని తిని నా ఆకలి తీర్చుకుని వెళ్లిపోతాను. నువ్వు క్షేమంగా ఇంటికి పోవచ్చు’ అని చెప్పగానే మనిషి ఎలుగుబంటిని కిందికి నెట్టాడు. కానీ అది కింద పడకుండా కొమ్మను గట్టిగా పట్టుకుని ప్రాణం కాపాడుకుంది. ‘నీకు ఇంత అపకారం…