లక్ష్మిదేవి పుట్టిన రోజు (ధంతేరాస్) : బంగారం, వెండి కొనలేని వాళ్లు.. ఈ 8 వస్తువులు కొనుక్కోండి..!

భారత సాంప్రదాయ పండుగల్లో ధంతేరాస్, దీపావళికి ఎంతో ప్రాముఖ్యత ఉంది. ఈ రెండు పండుగలకు కొత్త వస్తువులు కొనటం ఆనవాయితీ అయినప్పటికీ.. ధంతేరాస్ బంగారు కొనుగోలు దారులకు వెరీ స్పెషల్. లక్ష్మీదేవి పుట్టిన రోజు కావడంతో బంగారం కొంటే లక్ష్మీ మన ఇంటికి వచ్చినట్లేనని భావిస్తుంటారు. ప్రతి ఏటా కార్తీక మాసం కృష్ణ పక్ష త్రయోదశి తిథినాడు ధంతేరాస్ జరుపుకుంటారు. ఈ రోజు ధన్వంతరి, కుబేరుని పూజించడం వల్ల ఇంట్లో సంపద, సుఖం వస్తాయని నమ్మకం. కొత్త వస్తువులు కొనడం కూడా శుభప్రదమని భావిస్తారు. చాలా మంది బంగారం, వెండి కొంటారు.

ప్రస్తుతం బంగారం, వెండి ధరలు భారీగా పెరిగిపోయి ఉన్నాయి. హై నుంచి కాస్త పడినప్పటికీ ఏడాది క్రితం ఉన్న రేట్లతో పోల్చితే ఎక్కువే. అందువల్ల చాలా మందికి అవి అందుబాటులో లేవు. అయితే ఈ పరిస్థితుల్లో బంగారం, వెండి కొనలేమని భావించే వారికోసమే ఈ ఆర్టికల్. బంగారం కొనకపోయినా అలాంటి విలువనిచ్చే.. శుభప్రదమైన ఎనిమిది వస్తువులు కొనవచ్చునని పండితులు చెబుతున్నారు. తక్కువ ధరకు లభించే ఈ వస్తువులు కొంటే బంగారం కొన్నట్లేనని చెబుతున్నారు. అవేంటో చూద్దాం.