లక్ష్యానికి దూరంగా గ్రామీణ భవనాలు!

హైదరాబాద్‌, అక్టోబర్‌ 22 (నమస్తే తెలంగాణ): రాష్ట్రంలోని గ్రామీణ ప్రాంతాల్లో మౌలిక వసతుల కల్పన, మహిళా సాధికారత పేరిట కాంగ్రెస్‌ సర్కార్‌ చెప్తున్న గొప్పలకు, క్షేత్రస్థాయిలోని కఠిన వాస్తవాలకు నకకు నాకలోకానికి ఉన్నంత తేడా కనిపిస్తున్నది. రాష్ట్రవ్యాప్తంగా ప్రభుత్వం అత్యంత ప్రతిష్టాత్మకంగా ప్రారంభించిన గ్రామ పంచాయతీ, మహిళా సమాఖ్య, అంగన్‌వాడీ భవనాల నిర్మాణ పనులు నత్తకు నడకలు నేర్పుతున్నాయి. ఒకవైపు సర్కార్‌ నిర్దేశించుకున్న ప్రారంభోత్సవ ముహూర్తం దూసుకొస్తున్నప్పటికీ, పనులు మాత్రం ఎకడి గొంగడి అకడే అన్న చందంగా మారింది. రాష్ట్రవ్యాప్తంగా మొత్తం 9,500 భవనాలను వేగంగా పూర్తి చేసి అందుబాటులోకి తెస్తామని…

ప్రకటనల హోరు.. ఆచరణలో పూజ్యం! మహిళల ఆర్థిక సాధికారత కోసం 8,000 గ్రామాల్లో రూ.800 కోట్లతో సమాఖ్య భవనాలు నిర్మిస్తున్నామని, 5,118 గ్రామ పంచాయతీలకు రూ.1,000 కోట్లతో సొంత భవనాలు కడుతున్నామని గతంలో పంచాయతీరాజ్‌ గ్రామీణాభివృద్ధిశాఖ మంత్రి సీతకతోపాటు ప్రభుత్వం గొప్పలు చెప్పింది. కానీ క్షేత్రస్థాయిలో పరిస్థితి దారుణంగా మారింది. సొంత భవనాలు లేక వేలాది అంగన్‌వాడీ కేంద్రాలు రేకుల షెడ్లలో, అద్దె కొంపల్లో చిన్నారులకు, గర్భిణులకు రక్షణ లేని వాతావరణంలో కొనసాగుతున్నాయి. ఇక సమాఖ్య భవనాల పరిస్థితి చెప్పనక్కరలేదు. మహిళా సంఘాలు సమావేశాలు నిర్వహించుకోవడానికి నీడ లేక ఆరుబయట అవస్థలు పడుతున్నారు.