మా ఇందిరమ్మ ఇంట్లో దీపావళి, కుటుంబ బీమా ప్రారంభం: కేబినెట్ కీలక నిర్ణయాలు

దీపావళి పండుగ సందర్భంగా మా ఇందిరమ్మ ఇంట్లో దీపావళి కార్యక్రమాన్ని రాష్ట్ర వ్యాప్తంగా ఘనంగా నిర్వహించాలని తెలంగాణ కేబినెట్ నిర్ణయించింది. 2026 నవంబర్ 5వ తేదీన సీఎం రేవంత్ అధ్యక్షతన డాక్టర్ బీఆర్ అంబేద్కర్ తెలంగాణ రాష్ట్ర సచివాలయంలో జరిగిన మంత్రివర్గ సమావేశంలో కీలక నిర్ణయాలు తీసుకున్నారు.

రాష్ట్ర వ్యాప్తంగా ఇప్పటికే 2 లక్షల25 వేల ఇందిరమ్మ ఇళ్ల నిర్మాణం పూర్తయినందున.. మంత్రులు, ఎమ్మెల్యేలు తమ నియోజకవర్గాల్లో ఇందిరమ్మ ఇళ్ల లబ్ధిదారులతో కలిసి దీపావళి కార్యక్రమంలో పాల్గొనాలని సమావేశం నిర్ణయించింది.