మారుతున్న జీవనశైలితో క్లోమగ్రంథి వ్యాధుల ముప్పు - జీర్ణకోశ వ్యాధుల నిపుణుడు డాక్టర్ శ్రీకాంత్

మారుతున్న జీవనశైలి, ఆహారపు అలవాట్లలో వస్తున్న మార్పులు తీవ్రమైన జీర్ణకోశ సంబంధిత వ్యాధులకు కారణమవుతున్నాయని, క్లోమగ్రంథి (ప్యాంక్రియాస్) వ్యాధులపై ప్రజలు అప్రమత్తంగా ఉండాలని హైదరాబాద్ యశోద వైద్యశాల జీర్ణకోశ వ్యాధుల నిపుణుడు డాక్టర్ శ్రీకాంత్ సూచించారు. క్లోమగ్రంథి వాపు, క్యాన్సర్ వంటి వ్యాధులను ప్రారంభ దశలో గుర్తిస్తే మెరుగైన చికిత్స అందించి ప్రాణాలను కాపాడే అవకాశం ఉంటుందని తెలిపారు. కాకినాడలో నిర్వహించిన విలేకరుల సమావేశంలో ఆయన క్లోమగ్రంథి వ్యాధుల లక్షణాలు, కారణాలు, ఆధునిక చికిత్సా విధానాలపై వివరించారు. ఆహారం జీర్ణం కావడానికి అవసరమైన ఎంజైమ్‌లను ఉత్పత్తి చేయడంతోపాటు రక్తంలో చక్కెర స్థాయిలను…