Madhyapradesh | ఉజ్జయినిలో పెను విషాదం.. విషవాయువు పీల్చి నలుగురు హోటల్ కార్మికులు మృతి

Madhyapradesh | మధ్యప్రదేశ్‌లోని ఉజ్జయినిలో(Ujjain) ఘోర ప్రమాదం చోటుచేసుకుంది. విష‌వాయువును పీల్చి(Poisonous gas) న‌లుగురు మృతి చెందారు. వివ‌రాల్లోకి వెళ్తే.. దేవాస్ రోడ్డులోని శ్రీ గంగా హోటల్‌లో శనివారం రాత్రి భూగర్భ వ్యర్థాల గదిని శుభ్రం చేస్తుండగా విష వాయువులను పీల్చి నలుగురు హోటల్ కార్మికులు(Hotel workers) మ‌ర‌ణించారు. వారిని రక్షించడానికి ప్రయత్నించిన మరో ఇద్దరు కూడా అస్వస్థతకు గురై ద‌వాఖాన‌లో చేరారు. రాత్రి 10.30 గంటల సమయంలో హోటల్ మిఠాయిలు, పాల ఉత్పత్తుల విభాగాల నుంచి వచ్చే మిగిలిపోయిన ఆహారం, ఇతర వ్యర్థాలను సేకరించే గదిలో శుభ్రత పనులు చేపట్టారు. ఈ క్రమంలో కొందరు సిబ్బంది లోపలికి…

స‌మాచారం అందుకున్న పోలీసులు సంఘ‌ట‌న స్థ‌లానికి చేరుకొని స‌హాయక చ‌ర్య‌లు చేప‌ట్టారు. అస్వ‌స్థ‌త‌కు గురైన వారిని హాస్పిట‌ల్‌కు త‌ర‌లించారు. మృతులను ఉజ్జయినికి చెందిన కమలేశ్, నితిన్, వహీద్, రాజస్థాన్‌లోని ఝాలావర్‌కు చెందిన మనోజ్ మీనాగా గుర్తించారు. విద్యుత్ కట్టర్‌తో గదిలోని కొంత భాగాన్ని తొలగించి బాధితులను బయటకు తీశారు. పోలీసులు వెంటనే సీపీఆర్ చేసినప్పటికీ నలుగురిని కాపాడలేకపోయారు. గ్యాస్ లీకేజీ కారణంగానే ఈ ప్రమాదం జరిగి ఉండవచ్చని ఉజ్జయిని ఎస్పీ ప్రదీప్ శర్మ తెలిపారు. ఈ ఘటనపై పోలీసులు దర్యాప్తు చేస్తున్నారు. పూర్తి వివ‌రాలు తెలియాల్సి ఉంది.