మల్లేశ్వరం ఐలాండ్ కు పర్యాటక సొబగులు..జూన్‌‌‌‌‌‌‌‌ నాటికి పూర్తయ్యేలా పనులు వేగవంతం

హైదరాబాద్, వెలుగు: నల్లమల అడవులు.. కృష్ణమ్మ పరవళ్లు.. అలల సవ్వడులు.. ద్వాదశ జ్యోతిర్లింగాలు.. ప్రకృతి అందాలు వెరసి ఆధ్యాత్మికశోభ ఉట్టిపడే నాగర్​కర్నూల్​జిల్లాలోని కొల్లాపూర్‌‌‌‌‌‌‌‌ ప్రాంతం త్వరలో టూరిజానికి తలమానికంగా నిలవనుంది.

ఇక్కడి కృష్ణానది మధ్యలో ఉన్న ఐలాండ్‌‌‌‌‌‌‌‌ కు పర్యాటక సొబగులు అద్దుతున్నారు. కొల్లాపూర్‌‌‌‌‌‌‌‌ రూపురేఖలు మార్చేలా కేంద్ర, రాష్ట్ర ప్రభుత్వాల భాగస్వామ్యంతో సోమశిల, మల్లేశ్వరం ప్రాంతాల్లో సుమారు రూ.57.63 కోట్ల నిధులతో అభివృద్ధి పనులను వేగవంతం చేశారు. వచ్చే ఏడాది జూన్​నాటికి పనులు పూర్తి చేసి పర్యాటకులకు అందుబాటులోకి తెచ్చేలా కార్యాచరణ రూపొందించారు.