MBA student dies | పరీక్షకు ముందు యూనివర్సిటీ భవనం పైనుంచి దూకి.. ఎంబీఏ విద్యార్థిని మృతి

జైపూర్‌: సెమిస్టర్‌ పరీక్షకు ముందు ఎంబీఏ విద్యార్థిని పరీక్షా హాల్‌ నుంచి బయటకు వచ్చింది. ఆ బిల్డింగ్‌ ఆరో అంతస్తుకు ఆమె చేరుకున్నది. అక్కడి నుంచి కిందకు దూకి మరణించింది. ఆ విద్యార్థిని మృతిపై పోలీసులు దర్యాప్తు చేస్తున్నారు. రాజస్థాన్‌ రాజధాని జైపూర్‌లో ఈ సంఘటన జరిగింది. (MBA student dies) శనివారం ఉదయం ఒక ప్రైవేట్‌ యూనివర్సిటీలో మిడ్‌ సెమిస్టర్ ఎగ్జామ్ జరుగనున్నది. 23 ఏళ్ల ఎంబీఏ విద్యార్థిని పరీక్షా హాలులోకి ప్రవేశించే ముందు తన స్నేహితులతో మాట్లాడింది.

కాగా, ఆ విద్యార్థినికి ఒక ఫోన్ కాల్ వచ్చింది. ఆ తర్వాత ఆమె యూనివర్సిటీ బిల్డింగ్‌లోని ఆరవ అంతస్తుకు వెళ్లింది. ఆ భవనం అంచున ఆ యువతి కూర్చొని ఉండటాన్ని కొందరు విద్యార్థులు గమనించారు. ఆమెను నిలువరించేందుకు కొందరు అక్కడకు పరుగెత్తారు. అయితే వారు అక్కడకు చేరుకునే లోపు ఆమె అక్కడ నుంచి కిందకు దూకింది. తీవ్రంగా గాయపడిన ఆ యువతిని వెంటనే ఆసుపత్రికి తరలించగా ఆమె మరణించినట్లు డాక్టర్లు నిర్ధారించారు.