మేడ్చల్ మల్కారం క్వారీ గుంతలో విషాదం.. ఈతకు వెళ్లి ఇద్దరు విద్యార్థులు మృతి

మేడ్చల్ జిల్లా జవహర్‌నగర్ పోలీస్ స్టేషన్ పరిధిలోని మల్కారం క్వారీ గుట్టల్లో విషాదం చోటుచేసుకుంది. సరదాగా ఈత కొట్టేందుకు వెళ్లిన ఇద్దరు విద్యార్థులు నీటిలో మునిగి మృతి చెందారు. ఈ ఘటనతో వారి కుటుంబాల్లో తీవ్ర విషాదం నెలకొంది.

వివరాల్లోకి వెళ్తే.. ఆదివారం సెలవు కావడంతో యాప్రాల్‌కు చెందిన ఐదుగురు విద్యార్థులు సరదాగా గడిపేందుకు మల్కారం క్వారీ గుట్టల వద్దకు వెళ్లారు. ఈ క్రమంలో ఈత కొట్టేందుకు క్వారీలోని నీటిలోకి దిగారు. అయితే వారిలో ఇద్దరు విద్యార్థులు ప్రమాదవశాత్తు నీటిలో మునిగిపోయారు.