minister’s home attcked | మంత్రి ఇంటిపై దాడి.. ‘మేము చనిపోయాక వస్తారా?’ అంటూ పోలీసులపై ఆగ్రహం

ముంబై: ఒక మంత్రి ఇంటిపై దాడి జరిగింది. ముగ్గురు వ్యక్తులు మంత్రి నివాసంపై రాళ్లు రువ్వడంతోపాటు గాజు సీసాలు విసిరారు. తాను వెంటనే పోలీస్‌ అధికారులకు ఫోన్‌ చేసినప్పటికీ వారు స్పందించలేదని ఆ మంత్రి ఆరోపించారు. ‘మేము చనిపోయాక వస్తారా?’ అంటూ పోలీస్‌ యంత్రాంగంపై ఆయన మండిపడ్డారు. (minister’s home attcked) మహారాష్ట్ర డిప్యూటీ సీఎం ఏక్‌నాథ్ షిండే నేతృత్వంలోని శివసేనకు చెందిన మంత్రి సంజయ్ షిర్సత్‌ నివాసంపై దాడి జరిగింది. గురువారం అర్ధరాత్రి సమయంలో ఛత్రపతి సంభాజీనగర్‌లోని ఆయన ఇంటిపై ముగ్గురు యువకులు రాళ్లు రువ్వడంతో పాటు బాటిల్స్‌ విసిరారు. భద్రతా సిబ్బంది, పోలీసులు వెంటనే జోక్యం చేసుకున్నారు. ఆ…

కాగా, తన ఇంటిపై దాడి జరిగిన వెంటనే పోలీస్ కమిషనర్‌ను సంప్రదించడానికి తాను ప్రయత్నించానని, అయితే ఆయన ఫోన్ స్విచ్ఆఫ్‌లో ఉండటంతో మాట్లాడలేకపోయానని మంత్రి సంజయ్ షిర్సత్‌ తెలిపారు. ఒక డిప్యూటీ కమిషనర్ ఆఫ్ పోలీస్ (డీసీపీ) రెండున్నర గంటల ఆలస్యంగా సంఘటనా స్థలానికి చేరుకున్నారని, డైరెక్టర్ జనరల్ ఆఫ్ పోలీస్ (డీజీపీ) జోక్యం చేసుకున్న తర్వాతే ఆయన అక్కడికి వచ్చారని ఆయన విమర్శించారు.