మోడల్ పోలీసింగ్‌: సేతు.. నా కంప్లయింట్ తీసుకో..పంజాగుట్టలో కంప్లయింట్స్నమోదుకు ఏఐ

పంజాగుట్ట, వెలుగు : మోడల్ పోలీసింగ్‌‌లో ఏఐని వినియోగించేందుకు పంజాగుట్ట మోడల్ పోలీస్ స్టేషన్‌‌ను పైలెట్ ప్రాజెక్టు కింద ఎంపిక చేశారు. ఫిర్యాదుదారులకు మరింత సులభంగా పోలీస్​ సేవలు అందించేందుకు రూపొందించిన ‘సేతు’ యాప్ పనితీరును ఖైరతాబాద్ జోన్ డీసీపీ శిల్పవల్లి బుధవారం పరిశీలించారు.

యాప్ నిర్వహణ బాధ్యతలు చూస్తున్న నిర్వాహకులను అడిగి దాని పని విధానం, ఉపయోగాల గురించి తెలుసుకున్నారు. చదువురాని వారు సైతం ఎలాంటి ఇబ్బంది లేకుండా పోలీసులకు తెలియజేస్తే ఫిర్యాదు నమోదు చేసుకునేలా ఈ యాప్​ను రూపొందించారు. ఫిర్యాదు నమోదు చేసే యంత్రం ముందు నిలబడి తమ వివరాలను నమోదు చేయాల్సి ఉంటుంది.