మోదీ, షా ద్వయంతో ప్రజాస్వామ్యం ఖూనీ..‘రామ్ లీలా’ ర్యాలీ... రాబోయే సార్వత్రిక ఎన్నికలకు నాంది : పీసీసీ చీఫ్ మహేశ్ కుమార్‌‌‌‌‌‌‌‌ గౌడ్‌‌‌‌‌‌‌‌

న్యూఢిల్లీ, వెలుగు: దేశంలోని ప్రధాని మోదీ, కేంద్ర హోంమంత్రి అమిత్‌‌‌‌‌‌‌‌ షా ల ద్వయం ప్రజాస్వామ్యాన్ని ఖూనీ చేస్తోందని పీసీసీ చీఫ్‌‌‌‌‌‌‌‌ మహేశ్‌‌‌‌‌‌‌‌కుమార్‌‌‌‌‌‌‌‌ గౌడ్‌‌‌‌‌‌‌‌ ఫైర్ అయ్యారు. ఓట్ చోరీ, పార్టీ చీలికలతో ప్రజాస్వామ్య బద్ధంగా ఎన్నికైన ప్రభుత్వాలను కూలదోస్తోందని మండిపడ్డారు. కాంగ్రెస్ అగ్రనేత రాహుల్ నేతృత్వంలో ఇండియా కూటమి చేపట్టిన ‘ఓట్‌‌‌‌‌‌‌‌ బచావో–దేశ్‌‌‌‌‌‌‌‌ బచావో’ ర్యాలీ రాబోయే సార్వత్రిక ఎన్నికలకు నాంది అని అన్నారు. ప్రజాస్వామ్య పరిరక్షణ కోసం కాంగ్రెస్‌‌‌‌‌‌‌‌ పార్టీ చేస్తున్న ఈ పోరాటంలో అందరూ భాగస్వాములు కావాలని ఆయన పిలుపునిచ్చారు.

ర్యాలీకి హాజరైన కార్యకర్తలంతా రాహుల్‌‌‌‌‌‌‌‌ గాంధీ, ఇండియా కూటమి నేతల ప్రసంగాలను విని, వారి సందేశాలను ప్రజల్లోకి తీసుకెళ్లాలని సూచించారు. ఆదివారం రామ్‌‌‌‌‌‌‌‌ లీలా మైదాన్‌‌‌‌‌‌‌‌లో ఇండియా కూటమి నిర్వహించిన ‘ఛలో ఢిల్లీ.. ఓట్‌‌‌‌‌‌‌‌ బచావో–దేశ్‌‌‌‌‌‌‌‌ బచావో’ ర్యాలీకి తెలంగాణ నుంచి వచ్చిన కాంగ్రెస్‌‌‌‌‌‌‌‌ శ్రేణులను అభినందించారు. ఈ సందర్భంగా తెలంగాణ భవన్ లో ఏర్పాటు చేసిన ‘గ్యాదరింగ్ మీటింగ్’ లో సీఎం, మంత్రులు, ఎమ్మెల్యేలు, ముఖ్య నేతలతో కలిసి పాల్గొన్నారు.