మురసు తుపాను: వచ్చే 4-5 గంటలు కీలకం.. యంత్రాంగానికి సీఎం చంద్రబాబు కీలక ఆదేశాలు - Visalaandhra

ఒంగోలు-బాపట్ల సమీపంలో 120 కి.మీ. వేగంతో తుపాను కదలికప్రాణనష్టం జరగకుండా చూడటమే ప్రథమ ప్రాధాన్యమన్న ముఖ్యమంత్రితుపాను ప్రభావిత ప్రాంతాల్లో సహాయక చర్యలు ముమ్మరం చేయాలని ఆదేశంమురసు తుపాను ప్రభావం, సహాయక చర్యలపై ముఖ్యమంత్రి చంద్రబాబు ఉన్నతాధికారులు, జిల్లా కలెక్టర్లతో టెలికాన్ఫరెన్స్ నిర్వహించారు. తుపాను తదనంతర పరిస్థితులను ఎదుర్కొనేందుకు తీసుకోవాల్సిన చర్యలపై అధికారులకు స్పష్టమైన దిశానిర్దేశం చేశారు. ఒంగోలు-బాపట్లకు సమీపంలో గంటకు 120 కిలోమీటర్ల వేగంతో తుపాను పయనిస్తోందని, రానున్న 4 నుంచి 5 గంటల సమయం అత్యంత కీలకమని అధికారులు సీఎంకు వివరించారు.

ఈ సందర్భంగా చంద్రబాబు మాట్లాడుతూ.. ప్రాణనష్టం జరగకుండా చూడటమే ప్రభుత్వ ప్రథమ ప్రాధాన్యమని స్పష్టం చేశారు. చివరి వ్యక్తికి కూడా సహాయం అందే వరకు ప్రభుత్వ యంత్రాంగం విశ్రమించవద్దని ఆదేశించారు. ఁఈరోజు సాయంత్రం వరకు ప్రజలు ఇళ్ల నుంచి బయటకు రావద్దు. ప్రభుత్వం జారీ చేసే సూచనలను తప్పక పాటించాలి. క్షేత్రస్థాయిలో అధికారులు తక్షణమే స్పందిస్తుండటంతో బాధితుల్లో భరోసా కనిపిస్తోందిఁ అని తెలిపారు.