Musk: మిడ్‌టర్మ్‌ ఎన్నికలు.. మస్క్ ఆసక్తికర పోస్ట్‌

ఇంటర్నెట్‌ డెస్క్: అమెరికాలో మధ్యంతర ఎన్నికల (US Midterm Elections) ఫలితాలు వెలువడుతున్నాయి. కీలక స్థానాల్లో అధికార రిపబ్లిక్‌ పార్టీని ఓడిస్తూ.. డెమోక్రాట్లు దూసుకుపోతున్నారు. ఈ నేపథ్యంలో ప్రపంచ కుబేరుడు ఎలాన్ మస్క్‌ (Elon Musk) రిపబ్లికన్లపై వ్యంగ్యాస్త్రాలు విసిరారు. ‘ప్రస్తుతం అంతరిక్షంలోని డేటా సెంటర్లు చాలా ఆకర్షణీయంగా కనిపిస్తున్నాయి. కానీ.. నా అంతరిక్ష లేజర్లు ఈసారి పనిచేయలేదనుకుంటా’ అంటూ ఎక్స్‌లో పోస్ట్‌ చేశారు. ఎన్నికల్లో రిపబ్లికన్ల కోసం మస్క్‌ దాదాపు రూ.4వేల కోట్లు అందజేసినట్లు ఇటీవలు పలు నివేదికలు వెల్లడించిన విషయం తెలిసిందే. ఈ క్రమంలోనే ఆయన వ్యాఖ్యలు ప్రాధాన్యం సంతరించుకున్నాయి.

ఎన్నికల్లో డెమోక్రాట్లు ప్రభంజనం సృష్టిస్తుండడాన్ని అమెరికా మాజీ అధ్యక్షుడు బరాక్‌ ఒబామా (Barack Obama) ప్రశంసించారు. ప్రజలను విడదీసే రాజకీయాలకు బదులు.. ఏకం చేసే రాజకీయాలను అమెరికన్లు కోరుకుంటున్నారనడానికి ఇది నిదర్శనమని పేర్కొన్నారు. ఒకప్పుడు డెమోక్రటిక్ పార్టీ గెలవడం కష్టమని భావించిన నియోజకవర్గాలతో సహా.. అనేక ప్రాంతాల్లో విజయం సాధించడం హర్షించదగ్గ విషయమన్నారు. ట్రంప్ ప్రభుత్వానికి మరో రెండేళ్ల పదవీకాలం ఉన్నప్పటికీ.. డెమోక్రాట్లు రంగంలోకి దిగాల్సిన సమయం వచ్చిందన్నారు. అధికారం ఉన్న ప్రతిచోటా మార్పులు తీసుకురావడానికి, దేశానికి మరింత నష్టం జరగకుండా నివారించడానికి పని చేయాలని డెమోక్రటిక్ నేతలకు…