నాడు అనుమతుల జోరు… ఇప్పుడు రివర్స్‌ గేరు!

హైదరాబాద్‌ సిటీబ్యూరో ప్రధాన ప్రతినిధి, నవంబర్‌ 10 (నమస్తే తెలంగాణ) : మాటలు కోటలు దాటుతయ్‌.. కానీ చేతలు గడప దాటవంటరు! మూడేండ్ల రేవంత్‌రెడ్డి పాలనలో తెలంగాణ సాగునీటి రంగం దుస్థితి ఇట్లనే తయారైంది. పొద్దున లేచింది మొదలు.. కేసీఆర్‌ ఆనవాళ్లు చెరిపేస్తానంటూ తొడలు కొడుతూ వ్యక్తిగత దూషణల్లో తనకు తానే సాటి అని నిరూపించుకుంటున్న రేవంత్‌ సర్కార్‌ ఒక్కటంటే ఒక్క సాగునీటి ప్రాజెక్టుకు అనుమతి తీసుకురాలేదు. చివరికి కేసీఆర్‌ ప్రభుత్వంలో కేంద్ర జల సంఘానికి పంపిన సమగ్ర ప్రాజెక్టు నివేదికల (డీపీఆర్‌లు) ఆమోదానికి సైతం కించిత్తు కృషి చేయలేదు. ఫలితంగా నాడు రాష్ట్రంలో సాగునీటి ప్రాజెక్టు డీపీఆర్‌లకు ఆమోదాల జోరు…

ఇప్పటికే పలు కారణాలతో నాలుగు ప్రాజెక్టుల నివేదికల్ని తిప్పి పంపిన కేంద్ర జల సంఘం తాజాగా సమ్మక్క బరాజ్‌ నివేదికను కూడా సీడబ్ల్యూసీ తిరుగుటపాలో పంపింది. ఇక్కడ మరో విచారకరణమైన విషయమేందంటే.. కనీసం తిరుగుటపాలో వచ్చిన వాటికి కూడా ప్రభుత్వం పరిష్కారం చూపకుండా అటకెక్కిస్తున్నది. మరోవైపు మూడేండ్లుగా కాళేశ్వరం, పాలమూరు-రంగారెడ్డి ప్రాజెక్టులను పడావు పెట్టడంతో సాగునీటి రంగం ఒక్కటంటే ఒక్క అడుగు కూడా ముందుకు పడలేదు. ఇప్పుడు రైతు బతుకు మళ్లీ సమైక్య పాలన పాలన తరహాలో మొగులు దిక్కు చూడాల్సిన విషమ పరిస్థితి దాపురించింది.