నగదు, మద్యం పంపిణీపై ఈసీకి ఏబీవీ ఫిర్యాదు

59వ డివిజన్‌లో డబ్బులు పంచుతున్నారంటూ ఏబీవీ అందించిన వీడియోలోని దృశ్యం

ఈనాడు, అమరావతి: విజయవాడ నగరపాలక సంస్థ ఎన్నికల్లో ఓటర్లను ప్రలోభపెట్టేందుకు నగదు, మద్యం పంపిణీ చేస్తున్నారని మేయర్‌ స్థానానికి స్వతంత్ర అభ్యర్థిగా పోటీచేస్తున్న ఏబీ వెంకటేశ్వరరావు రాష్ట్ర ఎన్నికల సంఘానికి శనివారం ఫిర్యాదు చేశారు. ఆదివారం పోలింగ్‌ జరగనున్న నేపథ్యంలో నగరంలోని 48, 59వ డివిజన్లలో నగదు పంపిణీ చేస్తున్నట్లు ఉన్న రెండు వీడియోలను ఫిర్యాదుకు జతచేశారు. ఓటర్లను ప్రలోభపెట్టే చర్యలు ప్రజాస్వామ్యానికి విఘాతమని పేర్కొన్నారు. నగదు పంపిణీ చేసిన వారిని అరెస్టు చేయడంతో పాటు వారి వెనుక ఉన్న వ్యక్తులు, సంబంధిత అభ్యర్థుల పాత్రపైనా విచారణ జరిపించాలని కోరారు.