Nallagonda | హాల్‌టికెట్లు ఇచ్చి.. ఫీజులు వసూలు చేసి.. తీరా పరీక్ష రద్దుపై తల్లిదండ్రుల ఆందోళన

రామగిరి : విద్యార్థుల భవిష్యత్తుతో పాఠశాల యాజమాన్యాలు ఆటలాడుతున్నాయి. పరీక్ష నిర్వహిస్తామని ముందుగానే ఫీజులు వసూలు చేసి, హాల్‌టికెట్లు జారీ చేసి, తీరా పరీక్ష కేంద్రానికి వచ్చిన తర్వాత పరీక్ష రద్దు చేయడం పట్ల తల్లిదండ్రులు ఆందోళన వ్యక్తం చేశారు. నల్లగొండ ( Nallagonda) పట్టణంలోని శ్రీచైతన్య స్కూల్ ( Sri Chaitanya School ) ఆధ్వర్యంలో ఆధ్వర్యంలో స్కోర్‌ స్కాలర్‌షిప్ పరీక్ష నిర్వహించనున్నట్లు ప్రకటించారు.

ఇందుకు సంబంధించి విద్యార్థుల నుంచి ఫీజులు వసూలు చేసి, హాల్‌టికెట్లు కూడా జారీ చేశారు. పరీక్షకు సిద్ధమై విద్యార్థులు, వారి తల్లిదండ్రులు నిర్ణీత సమయానికి పరీక్ష కేంద్రానికి చేరుకున్నారు. అయితే పరీక్ష నిర్వహణకు అవసరమైన ఎలాంటి ఏర్పాట్లు కనిపించకపోవడంతో పాటు, పరీక్ష రద్దయిందని పాఠశాల సిబ్బంది చెప్పడంతో విద్యార్థులు, తల్లిదండ్రులు ఒక్కసారిగా అయోమయానికి గురయ్యారు.