నిర్బంధంలో జలమండలి

జలమండలి గ్రేటర్‌ పరిధిలోని హైదరాబాద్‌, రంగారెడ్డి, మేడ్చల్‌ జిల్లాల వ్యాప్తంగా విస్తరించి ఉంది. జీహెచ్‌ఎంసీతో సహా విస్తీర్ణం పెరిగి మహా జలమండలిగా విస్తరించింది. క్యూర్‌ వ్యాప్తంగా మొత్తం 2053 చదరపు కిలోమీటర్ల వరకు జలమండలి పరిధి పెరిగింది. ఈ నేపథ్యంలో హైదరాబాద్‌ నడిబొడ్డున ఉన్న ఖైరతాబాద్‌లోని జలమండలి ప్రధాన కార్యాలయానికి నిత్యం వందలాది మంది వినియోగదారులు వస్తుంటారు. ఏదైనా సమస్య పరిష్కరించుకోవడానికి లేదంటే ఉన్నతాధికారులను కలవాలంటే శివారు ప్రాంతాల వాళ్లకు కనీసం రెండు గంటల ప్రయాణ సమయం పడుతుంది. ఆయా ప్రాంతాల నుంచి ఉదయం బయలుదేరితే ప్రధాన కార్యాలయానికి చేరుకునేందుకు మధ్యాహ్నం అవుతుంది. తాజాగా…

సిటీబ్యూరో, అక్టోబర్‌ 31 (నమస్తే తెలంగాణ) : జలమండలి ఉన్నతాధికారులు తీసుకున్న నిర్ణయంతో వినియోగదారులు తీవ్ర అవస్థలు పడుతున్నారు. సమస్యలను చెప్పుకొనేందుకు మూడు గంటల కంటే ముందు వచ్చిన వారు ప్రాంగణం బయటనే గంటల తరబడిగా వేచి ఉండాల్సి వస్తున్నది. నల్లా బిల్లులు, సీవరేజి సమస్యలు, సుదీర్ఘంగా ఉన్న తాగునీటి సమస్యలను ఉన్నతాధికారులకు చెప్పుకోవాలని వస్తే.. 3 గంటల వరకు లోపలికి వెళ్లనివ్వడం లేదని ఆవేదన వ్యక్తం చేస్తున్నారు.