Nominated Posts | ‘నామినేటెడ్‌’ ఊరించుడే..! దీపావళి ఆశలపై నీళ్లు చల్లిన అధిష్ఠానం

హైదరాబాద్‌, నవంబర్‌ 5 (నమస్తే తెలంగాణ): హోలీకి ముందే.. ఉగాది తర్వాత.. దసరాలోపే.. దీపావళినాడే.. అంటూ కాం గ్రెస్‌లో ఊరించిన నామినేటెడ్‌ పదవుల భర్తీ మరోసారి వాయిదా పడినట్టు ఢిల్లీ కాంగ్రెస్‌ వర్గాల ద్వారా తెలిసింది. గవర్నర్‌ కోటా ఎమ్మెల్సీలు, పీసీసీ వరింగ్‌ ప్రెసిడెంట్లు, డిప్యూటీ స్పీకర్‌, చీఫ్‌విప్‌ నియామకాలు తదితర లెక్కలు, సమీకరణాల కారణంగా మరో రెండు నెలల పాటు పోస్టుల భ ర్తీని వాయిదా వేసుకోవాలని ఏఐసీసీ సూచించినట్టు సమాచారం. దీంతో నామినేటెడ్‌ పోస్టుల భర్తీ సంక్రాంతికి ఉంటుందని తెలంగాణ కాంగ్రెస్‌ లీకులు ఇస్తున్నట్టు రాజకీయ వర్గాల్లో జరుగుతున్నది.

ఉగాదిలోగా నామినేటెడ్‌ పదవులు భర్తీ చేస్తామని పీసీసీ చీఫ్‌ మహేశ్‌ కుమార్‌గౌడ్‌ ఈ ఏడాది మార్చిలో ఢిల్లీలో ప్రకటించా రు. ఆ తర్వాత 99 రోజుల ప్రజాపాలన కా ర్యక్రమం, రాజ్యసభ అభ్యర్థుల ఎంపిక, బడ్జె ట్‌ సమావేశాల కారణంగా సాధ్యం కావడం లేదని, ఉగాది తర్వాత నింపుతామని లీకులు వదిలారు. ఏప్రిల్‌లో పదవుల భర్తీ తుది దశకు చేరిందని, రెండు రోజుల్లో ఉత్తర్వులు వస్తాయని గాంధీ భవన్‌ వర్గాలు ప్రచారం చేశాయి. ‘సర్‌’ ప్రక్రియ వల్ల అంతరాయం ఏర్పడుతున్నదని, గాంధీ భవన్‌ చుట్టూ తిరిగేవారికి కాకుండా ‘సర్‌’ ప్రక్రియలో చురుగ్గా పనిచేసినవారికే పదవులు ఇస్తామని జూలైలో సీఎం రేవంత్‌రెడ్డి ప్రకటించారు.