Obesity | 2050 నాటికి ప్రతి ముగ్గురు భారతీయుల్లో ఒకరికి ఊబకాయం.. చ‌ర్య‌లు త‌ప్ప‌నిస‌రి అంటున్న సంస్థ‌లు..

Obesity | ప్రపంచ ఆరోగ్యానికి పొంచి ఉన్న పెను ముప్పుల కంటే అధిక శరీర కొవ్వుతో కలిగే ఆరోగ్య నష్టాలను నివారించడం ద్వారా ఎక్కువ ప్రయోజనం పొందవచ్చని ది లాన్సెట్ కమిషన్ వెల్లడించింది. 204 దేశాలు, ప్రాంతాలకు సంబంధించిన ప్రమాద అంచనాలను ఇన్‌స్టిట్యూట్ ఫర్ హెల్త్ మెట్రిక్స్ అండ్ ఎవాల్యుయేషన్ (ఐహెచ్‌ఎంఈ) విశ్లేషణ ఆధారంగా ఈ కమిషన్ రూపొందించింది. మహమ్మారులు, వాతావరణ మార్పులు, యాంటీమైక్రోబియల్ ఔషధ నిరోధకత, అణు సంఘర్షణ వంటి విపత్కర ముప్పులను ఇందులో గుర్తించింది. అయితే, నివారించగల ఆరోగ్య నష్టాల పరంగా అధిక శరీర కొవ్వు సమస్య వీటన్నింటి కంటే ముందున్నట్లు నివేదిక పేర్కొంది. అయితే, ఈ నివేదికను ప్రభుత్వ విధాన…

భారత్ విషయానికి వస్తే, గత కొన్నేళ్లుగా లాన్సెట్ ప్రచురించిన అధ్యయనాలు ఊబకాయం పెరుగుదలపై హెచ్చరిస్తున్నాయి. దేశంలోని వివిధ వయసుల వారిలో ఈ సమస్య వేగంగా పెరుగుతున్నట్లు ఆ అధ్యయనాలు వెల్లడించాయి. 2050 నాటికి భారతీయుల్లో దాదాపు మూడో వంతు మంది అధిక బరువు లేదా ఊబకాయంతో బాధపడే అవకాశం ఉందని అంచనా వేశాయి. ఇప్పటికే దేశంలో మధుమేహంతో బాధపడుతున్న వారి సంఖ్య 10 కోట్లకు పైగా ఉంది. ఈ పరిస్థితికి ఊబకాయం కూడా తోడవడంతో, మధుమేహం, ఊబకాయం కలిసిన డయాబెసిటీ తీవ్రమైన ప్రజారోగ్య సంక్షోభంగా మారుతోంది.