ఒంగోలు దగ్గర తీరం దాటనున్న తుఫాన్ మురసు : బీభత్సం తప్పదని వార్నింగ్స్

అమరావతి: బంగాళాఖాతంలో ఏర్పడిన మురసు తీవ్ర తుపాను ఆంధ్రప్రదేశ్ తీరంవైపు కదులుతోంది. గత ఆరు గంటల్లో గంటకు 12 కిలోమీటర్ల వేగంతో ప్రయాణిస్తున్న ఈ తుపాను ప్రస్తుతం నెల్లూరుకు 80 కిలోమీటర్లు, కావలికి 90 కిలోమీటర్లు, ఒంగోలుకు 120 కిలోమీటర్లు, బాపట్లకు 150 కిలోమీటర్లు, తిరుపతికి 160 కిలోమీటర్లు, మచిలీపట్నానికి 190 కిలోమీటర్ల దూరంలో కేంద్రీకృతమై ఉంది.

ఈ తుపాను ఇవాళ అర్ధరాత్రి నుంచి తెల్లవారుజాము మధ్య ఒంగోలు సమీపంలో తీరం దాటే అవకాశం ఉందని అధికారులు అంచనా వేస్తున్నారు. తుపాను తీరం దాటే సమయంలో గంటకు 100 నుంచి 120 కిలోమీటర్ల వేగంతో బలమైన ఈదురుగాలులు వీచే అవకాశం ఉందని హెచ్చరించారు.