ఓట్లేయొద్దు.. జమధంగి గ్రామంలో ఒడిశా అధికారుల మకాం

జమధంగిలో ఒడిశా ప్రభుత్వ అధికారులు

పాడేరు, న్యూస్‌టుడే: అల్లూరి సీతారామరాజు జిల్లా పెదబయలు మండలం ఇంజరి పంచాయతీ జమధంగి గ్రామంలో ఒడిశా అధికారులు మకాం వేశారు. ఏపీలో గురువారం జరగనున్న జడ్పీటీసీ, ఎంపీటీసీ ఎన్నికల్లో పాల్గొనవద్దంటూ హుకుం జారీచేశారు. ఈ గ్రామం ఒడిశా భూభాగంలో ఉందని, ఏపీలో ఓట్లేయొద్దని చెబుతున్నారు. ఒడిశా అధికారులతో మన రాష్ట్ర అధికారులు చర్చిస్తున్నప్పటికీ సమస్య కొలిక్కిరాలేదు. ఈ విషయంపై జిల్లా ఎస్పీ అమిత్‌ బర్దార్‌ను వివరణ కోరగా.. గ్రామస్థులకు ఏపీలో ఓటుహక్కు ఉంటే వినియోగించుకునే అవకాశాన్ని కచ్చితంగా కల్పిస్తామని చెప్పారు.