పత్రికా స్వేచ్ఛను పునరుద్ధరించి.. కరవు నియమావళి రూపొందించి..

పోలీస్‌ పరీక్షల ప్రత్యేకం భారతదేశ చరిత్ర

భారతదేశ చరిత్రలో ఈస్టిండియా కంపెనీ గవర్నర్‌ జనరల్స్, క్రౌన్‌ పరిపాలనలోని వైస్రాయ్‌లకు ప్రముఖ స్థానం ఉంది. వీరు తమ కాలాల్లో పలు యుద్ధాల్లో పాల్గొన్నారు. సంస్కరణలు చేపట్టారు. కొందరు ప్రజల మన్ననలు పొందగా, మరికొందరు తీవ్ర ఇబ్బందులకు గురిచేశారు. వీరందరి అంతిమ లక్ష్యం భారత్‌లో బ్రిటిష్‌ సామ్రాజ్య ఆధిపత్యాన్ని సుస్థిరంగా ఉంచడమే. సిపాయిల తిరుగుబాటు అణచివేత తర్వాత బ్రిటిష్‌ ప్రభుత్వం ఈస్టిండియా కంపెనీ పాలనను రద్దు చేసింది. రాజు/రాణి తరఫున రాజప్రతినిధి (వైస్రాయ్‌)ని దేశ పరిపాలన కోసం నియమించారు.