పీఎం కేర్స్ స్కాలర్‌షిప్ తీసుకునే పిల్లలకు అలర్ట్.. కేంద్రం కీలక ఆదేశాలు! ఈ డాక్యుమెంట్లు రెడీ చేసుకోండి!

పీఎం కేర్స్ ఫర్ చిల్డ్రన్ స్కీమ్‌ కింద స్కాలర్‌షిప్ పొందుతున్న పిల్లలకు కేంద్ర ప్రభుత్వం కీలక సూచనలు చేసింది. ఈ పథకం ద్వారా అందించే విద్యా సహాయాన్ని పొందాలంటే ఆధార్ అతేంటికేషన్ చేయించుకోవాలని లేదా ఆధార్ నంబర్ ఉన్నట్లు ప్రూఫ్ చూపించాలని స్పష్టం చేసింది. ఈ మేరకు కేంద్ర సామాజిక న్యాయం, సాధికారత మంత్రిత్వ శాఖ నోటిఫికేషన్ జారీ చేసింది.

ఈ పథకం ద్వారా 1వ తరగతి నుంచి 12వ తరగతి వరకు చదువుకునే పిల్లలకు విద్యను కొనసాగించేందుకు ఆర్థిక సహాయం అందిస్తారు. ఈ ప్రయోజనాలు పొందే లబ్ధిదారులు వారి గుర్తింపును ధృవీకరించుకోవడం కోసం ఆధార్‌కు సంబంధించిన వివరాలను సమర్పించాల్సి ఉంటుంది.