పెండ్లి కోసం ఏపీ నుంచి హైదరాబాద్కు ప్రేమ జంట.. చైన్ స్నాచింగ్ చేస్తూ దొరికిపోయారు !

హైదరాబాద్: ఏపీకి చెందిన ప్రేమ జంట పెండ్లి కోసం దొంగతనాల బాట పట్టారు. అయితే.. ఈ దొంగ ప్రేమ జంటను వనస్థలిపురం పోలీసులు 24 గంటల్లో అరెస్ట్ చేశారు. వనస్థలిపురం రాజరాజేశ్వరి దేవాలయంలో ఈ ప్రేమజంట వృద్ధురాలు మెడలో బంగారు గొలుసు చోరీ చేసి పారిపోయారు.

నిందితులను ఆంధ్రప్రదేశ్కు చెందిన అన్నపురెడ్డి, వరలక్ష్మిగా గుర్తించారు. ప్రేమ వివాహం చేసుకోవడానికి ఏపీ నుంచి హైదరాబాద్కు వచ్చిన ప్రేమజంట ఇలా చోరీల బాట పట్టింది. పోలీసులు నిందితుల నుంచి 3 తులాల బంగారు గొలుసు, 2 సెల్ ఫోన్లు స్వాధీనం చేసుకున్నారు.