ఫ్రాన్స్‌లో మళ్లీ నిరసనల సెగ.. 70 వేల మంది పోలీసులతో భారీ భద్రత, ఆందోళనకారులపై టియర్ గ్యాస్ ప్రయోగం!

ఫ్రాన్స్‌లో మరోసారి నిరసనలు తీవ్రరూపం దాల్చాయి. పెరుగుతున్న ఖర్చులు, జీతాలు, ప్రభుత్వ సేవలు, పాఠశాలల్లో నిధుల కొరత వంటి అంశాలపై విద్యార్థులు, కార్మికులు పెద్ద ఎత్తున వీధుల్లోకి వచ్చారు. గత వారం జరిగిన హింసాత్మక ఘటనలు, దుకాణాల దోపిడీలు, వాహనాలకు నిప్పు పెట్టిన ఘటనలను దృష్టిలో ఉంచుకుని ప్రభుత్వం అప్రమత్తమైంది. దేశవ్యాప్తంగా శాంతిభద్రతలను కాపాడేందుకు సుమారు 70 వేల మంది పోలీసు, భద్రతా సిబ్బందిని రంగంలోకి దింపింది.