పోలవరం ప్రాజెక్టులో అంతర్జాతీయ నిపుణుల ఎనిమిదో పర్యటన..

పోలవరం ప్రాజెక్టులో అంతర్జాతీయ నిపుణుల బృందం పర్యటించింది. బుధవారం ( అక్టోబర్ 14 ) పోలవరం ప్రాజెక్టును సందర్శించిన విదేశీ నిపుణుల బృందం నాలుగురోజుల పాటు పర్యటించనుంది. ఇప్పటికే ఏడుసార్లు పర్యటించిన నిపుణుల బృందం ఈ పర్యటనలో ప్రధాన డ్యామ్‌, ఎర్త్‌ కమ్‌ రాక్‌ఫిల్‌ డ్యామ్‌ పనులను తనిఖీ చేయనుంది.

ఈ పర్యటనలో విదేశీ నిపుణులతో పాటు కేంద్ర జలశక్తి శాఖ, కేంద్ర జలవనరుల సంఘం, సీఎస్ఎంఆర్,వ్యాపోస్కోప్ సంస్థలకు చెందిన అధికారులు పాల్గొన్నారు. ప్రాజెక్టును క్షేత్రస్థాయిలో పరిశీలనకు ముందు పోలవరం ప్రాజెక్టు అథారిటీ సీఈఓ సంజీవ్ వోహ్రా అధ్యక్షతన సమీక్షా సమావేశం నిర్వహించారు.