పోలీసులు, లాఠీఛార్జీలకు భయపడొద్దు : ర్యాలీకి తరలిరావాలని యువతకు రాహుల్ పిలుపు

ఇండియా కూటమి తలపెట్టిన ర్యాలీకి యువత తరలిరావాలని పిలుపునిచ్చారు లోక్ సభ ప్రతిపక్ష నేత రాహుల్ గాంధీ. కేసులకు, లాఠీ చార్జీలకు భయపడకుండా 2026 నవంబర్ 1న జరిగే ర్యాలీలో ధైర్యంగా పాల్గొనాలని పిలుపునిచ్చారు. ఆలోచనలు, హక్కులు అణచివేతకు గురవుతున్నాయని భావిస్తే పార్టీలను, సంఘాలను పక్కనపెట్టి ర్యాలీలో పాల్గొనాలని అక్టోబర్ 29న యువతను కోరారు.

కేంద్రంలో ఉన్న ఎన్డీఏ ప్రభుత్వం ఓట్ చోరీకి పాల్పడుతోందని ఆరోపిస్తున్న ఇండియా కూటమి ఢిల్లీలో భారీ ర్యాలీ నిర్వహించేందుకు సిద్ధమైన విషయం తెలసిందే. ఓట్ల తొలగింపు ద్వారా మోదీ ప్రభుత్వం గెలుస్తూ వస్తోందని.. అందుకు సహకరిస్తున్న కేంద్ర ఎన్నికల కమిషనర్ (సీఈసీ) జ్ఞానేష్ కుమార్ ను రాజీనామా డిమాండ్ చేస్తూ ర్యాలీ నిర్వహిస్తున్నారు.