పోలింగ్‌తో పనేలేదు.. కేంద్ర మంత్రి హర్దీప్ సింగ్ పూరి రాజ్యసభ ఎన్నిక ఏకగ్రీవం

న్యూఢిల్లీ: బీజేపీ సీనియర్ నేత, కేంద్ర మంత్రి హర్దీప్ సింగ్ పూరి మధ్యప్రదేశ్ నుంచి రాజ్యసభకు ఏకగ్రీవంగా ఎన్నికయ్యారు. ఇతర అభ్యర్థులు ఎవరూ పోటీలో లేకపోవడంతో హర్దీప్ సింగ్ పూరి యూనానిమస్‎గా ఎన్నికైనట్లు రిటర్నింగ్ అధికారి గురువారం (నవంబర్ 5) ప్రకటించారు. కేంద్ర మంత్రి ఎల్. మురుగన్ తన రాజ్యసభ స్థానానికి రాజీనామా చేయడంతో ఈ ఉప ఎన్నిక అనివార్యమైంది.

మధ్యప్రదేశ్‎లో ఖాళీ అయిన రాజ్య సభ స్థానానికి ఉప ఎన్నిక నిర్వహించేందుకు ఎన్నికల సంఘం నోటిఫికేషన్ విడుదల చేసింది. నవంబర్ 12న ఎన్నిక జరగనుండగా.. నామినేషన్ల ఉపసంహరణకు నవంబర్ 5 చివరి తేదీ. బీజేపీ తరుఫున కేంద్ర మంత్రి హర్దీప్ సింగ్ పూరి నామినేషన్ దాఖలు చేశారు. ఆయనతో పాటు మరో ఇద్దరు స్వతంత్ర అభ్యర్థులు నామినేషన్లు వేశారు.