రాగి సంకటి నుంచి నాటుకోడి పులుసు దాకా.. హైదరాబాద్‌లో పల్లె రుచుల సందడి

జొన్న రొట్టె.. దాంట్లోకి నాటుకోడి కూర.. పక్కన పచ్చిమిర్చి పచ్చడి, ఉల్లిగడ్డ ముక్కలు.. ఈ కాంబినేషన్ పేరు చెబితేనే నోరూరుతుంది కదా! ఒకప్పుడు పల్లె వంటింట్లో ఘుమఘుమలాడిన ఈ రుచులు ఇప్పుడు హైదరాబాద్ రెస్టారెంట్లలో స్పెషల్ మెనూగా మారాయి. పిజ్జాలు, బర్గర్లకు అలవాటుపడిన సిటీ జనం మళ్లీ తెలంగాణ పల్లె రుచుల వైపు అడుగులేస్తున్నారు. జొన్న రొట్టెలు, రాగి సంకటి, సజ్జ గటక నుంచి మట్టి కుండలో వండిన నాటుకోడి పులుసు దాకా.. పాతకాలపు వంటకాలు కొత్త రూపంలో ఫుడ్ లవర్స్‌‌‌‌ను ఆకట్టుకుంటున్నాయి. బిజీ సిటీ లైఫ్‌‌‌‌లో ఇవి కేవలం తిండి కాదు, చిన్ననాటి జ్ఞాపకాలను, ఊరి అనుభూతులను గుర్తుచేస్తున్నాయి.

టేస్టింగ్ పౌడర్లు, రసాయనాలు లేకుండా మట్టి కుండల్లో, కట్టెల పొయ్యిపై వండిన నాటుకోడి పులుసు, తలకాయ కూర, బోటి ఫ్రై, పాయా, బగారా అన్నం, పప్పుచారులోని సహజ రుచిని సిటీ జనం బాగా ఇష్టపడుతున్నారు. అల్యూమినియం, స్టీల్ పాత్రలను పక్కనబెట్టి మట్టి కుండల్లో వండే బిర్యానీలకూ డిమాండ్ పెరిగింది. చాలా రెస్టారెంట్లు తిండి మాత్రమే కాకుండా మంచెలు, తాటిపాకలు, మట్టి గోడలతో పల్లెటూరి వాతావరణాన్ని సృష్టిస్తున్నాయి. కర్మన్‌‌‌‌ఘాట్ నుంచి సికింద్రాబాద్ దాకా సిటీలోని చాలా ప్రాంతాల్లో తెలంగాణ వంటకాల థీమ్ రెస్టారెంట్లు, దాబాలు వెలిశాయి. ఫాస్ట్ లైఫ్‌‌‌‌కు అలవాటైన సిటీ జనానికి ఇవి మన సంస్కృతిని గుర్తుచేస్తూ మంచి అనుభూతిని…