రాహుల్ సభకు ఎమ్మెల్యేలు రాకపోవడం తప్పు కాదా?: మంత్రి శ్రీధర్ బాబుకు ఎంపీ వంశీకృష్ణ లేఖ

కరీంనగర్, వెలుగు: రాహుల్​గాంధీ, సీఎం రేవంత్​రెడ్డి పిలుపుమేరకు బీజేపీ ఓట్​ చోరీ కుట్రలకు వ్యతిరేకంగా ఢిల్లీలోని రాంలీలా మైదాన్‌‌‌‌‌‌‌‌‌‌లో ఇండియా కూటమి ప్రతిష్టాత్మకంగా నిర్వహించిన సభకు మంత్రి శ్రీధర్ బాబు, పెద్దపల్లి ఎమ్మెల్యే విజయరమణారావు, రామగుండం ఎమ్మెల్యే మక్కాన్ సింగ్‌‌‌‌ హాజరుకాకపోవడం తనకు ఆశ్చర్యం కలిగించిందని పెద్దపల్లి ఎంపీ గడ్డం వంశీకృష్ణ అన్నారు.

మంథని నియోజకవర్గంలో పేద విద్యార్థులకు స్కూల్​ బ్యాగుల పంపిణీ కార్యక్రమంలో తనతో కలిసి కాంగ్రెస్ కార్యకర్తలు పాల్గొనడం తప్పయితే.. రాహుల్​ సభకు ఎమ్మెల్యేలు రాకపోవడం అంతకన్నా పెద్ద తప్పు ఎందుకు కాదని ప్రశ్నించారు. ‘ఎమ్మెల్యేల కో న్యాయం, సామాన్య కార్యకర్తలకో న్యాయమా?’అని ఆవేదన వ్యక్తం చేశారు. ఈ మేరకు మంత్రి శ్రీధర్ బాబుకు ఎంపీ వంశీకృష్ణ సోమవారం లేఖ రాశారు.