రాజేశ్‌ జానీకి స్వాగతం పలికిన మహిళలు

నవరంగపూర్: ఇటీవల అరెస్టయిన నవరంగపూర్‌ జిల్లా మహిళా సంఘం సలహాదారుడు రాజేశ్ జానీ శుక్రవారం విడుదలయ్యారు. ఈ సందర్భంగా వందలాది మంది మహిళలు ఆయనకు స్వాగతం పలికారు. తొలుత పట్టణంలోని చౌరియాగూడ నుంచి అంబేడ్కర్‌ చౌక్‌ వరకు మహిళలు ర్యాలీ నిర్వహించారు. అనంతరం విలేకరుల సమావేశంలో మాట్లాడారు. జిల్లాలో శాంతి భద్రతలకు ఆటంకం కలుగుతుందని, కొత్తగా రెండు మద్యం దుకాణాలకు అనుమతిలు ఇచ్చారని వారు ఆగ్రహం వ్యక్తం చేశారు. ఆ అనుమతులను వారం రోజుల్లోగా నిలిపివేయాలని, లేకుంటే ఆందోళనలు నిర్వహిస్తామన్నారు.

మద్యం విక్రయాలు నిలిపి వేయాలని ఆందోళన