రైల్వే ట్రాక్‌పై యువకుడి మృతదేహం లభ్యం

ఆలేరు (ఈటీవీ): యాదాద్రి భువనగిరి జిల్లా భువనగిరి మండలం పగిడిపల్లి సమీపంలోని రైల్వే ట్రాక్‌పై యువకుడి మృతదేహం లభ్యమైంది. మృతుడు యాదగిరిగుట్టకు చెందిన ముఖేష్‌గా గుర్తించారు. సోమవారం రాత్రి రైలు కిందపడి ముఖేష్ మృతి చెందినట్లు తెలుస్తోంది. ఆయన ఓ ప్రైవేట్ బ్యాంకులో ఉద్యోగిగా పనిచేస్తుండగా, గత పదేళ్లుగా యాదగిరిగుట్ట కొండపైన లడ్డూ విక్రయశాల టికెట్ కౌంటర్‌లో కూడా విధులు నిర్వహిస్తున్నట్లు సమాచారం. మృతుడికి భార్య, కుమారుడు ఉన్నారు. ముఖేష్ మృతిపై కుటుంబ సభ్యులు అనుమానాలు వ్యక్తం చేస్తున్నారు. ఘటనపై రైల్వే పోలీసులు కేసు నమోదు చేసి దర్యాప్తు చేపట్టారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.