రైతులకు ఇబ్బందులు కలగకుండా ముందస్తు చర్యలు: మంత్రి తుమ్మల

ఖమ్మం: ఎల్‌నినో ప్రభావంతో రానున్న రోజుల్లో వర్షపాతం తగ్గడం, ఉష్ణోగ్రతలు పెరగడం, తాగునీరు, సాగునీరు, విద్యుత్తు సరఫరాలో సవాళ్లు ఎదురయ్యే అవకాశమున్న నేపథ్యంలో ప్రజలను ముందస్తుగా అప్రమత్తం చేసేందుకు రాష్ట్ర ప్రభుత్వం పలు చర్యలు చేపట్టిందని వ్యవసాయశాఖ మంత్రి తుమ్మల నాగేశ్వరరావు అన్నారు. ఖమ్మం జిల్లా దమ్మపేట మండలం నాగుపల్లి గ్రామంలో సీతారామ ఎత్తిపోతల పథకం సత్తుపల్లి ట్రంకు కెనాల్ పనులను శనివారం ఆయన పరిశీలించారు. జరుగుతున్న పనుల వివరాలను సంబంధిత ఇంజినీర్లను అడిగి తెలుసుకున్నారు. అనంతరం భూసేకరణ పరిహారం పంపిణీ కార్యక్రమంలో పాల్గొని మాట్లాడారు.

రాష్ట్రంలో ఈసారి నైరుతి రుతుపవనాల కాలంలో సాధారణం కంటే సుమారు 20 శాతం తక్కువ వర్షపాతం నమోదైందని పేర్కొన్నారు. రానున్న వేసవిలో తాగునీటి అవసరాలను దృష్టిలో ఉంచుకొని ఆనకట్టల్లో వద్ద నీటి నిల్వలను పెంచేందుకు, సమర్థవంతంగా వినియోగించుకోవడం కోసం చర్యలు చేపట్టినట్లు తెలిపారు. దమ్మపేట, సత్తుపల్లి, అశ్వరావుపేట నియోజకవర్గాల్లో మూడు లక్షల ఎకరాల ఆయిల్ ఫామ్ తోటలు ఉన్నాయని, వాటికి ఎటువంటి నష్టం వాటిల్లకుండా చూస్తామన్నారు. రెవెన్యూ, పట్టా భూమి, పోడు భూముల రైతులకు నష్టం వాటిల్లకుండా భూసేకరణకు భూములు అందించిన ప్రతి ఒక్కరికీ తగిన పరిహారం అందిస్తామన్నారు. ఈ కార్యక్రమంలో అశ్వరావుపేట ఎమ్మెల్యే జారే ఆదినారాయణ…