Ramagundam | రణరంగంగా రామగుండం.. కేటీఆర్ ఆనవాళ్ల కూల్చివేతపై భగ్గుమన్న బీఆర్ఎస్

Ramagundam | కోల్ సిటీ, నవంబర్ 3 : రామగుండం రణరంగంగా మారింది. తెలంగాణ తొలి సీఎం కేసీఆర్, అప్పటి పురపాలక శాఖ మంత్రి కేటీఆర్ ఆనవాళ్లను చెరిపేసేందుకు బుల్డోజర్ దూసుకొచ్చింది. పునాదులతో సహా పెకిలించేందుకు ఉపక్రమించింది. సాధ్యం కాకపోవడంతో గ్యాస్ కట్టర్లతో పైలాన్ ను కూల్చివేసింది. క్రేన్ సాయంతో తరలించేందుకు సిద్ధం కాగా, రామగుండం మాజీ ఎమ్మెల్యే కోరుకంటి చందర్ నేతృత్వంలో రాష్ట్ర నాయకులు మూల విజయా రెడ్డి, వ్యాల్ల హరీష్ రెడ్డి, కౌశిక హరి, మున్సిపల్ ఫ్లోర్ లీడర్ మేకల సమ్మయ్య, కార్పొరేటర్లు, కార్యకర్తలు తరలివచ్చి అడ్డుకోవడంతో అట్టుడికింది. సుమారు ఆరు గంటల పాటు మండుటెండల్లో నడి రోడ్డుపై క్రేన్ కు అడ్డుగా…

ఆలస్యం చేస్తుండటంతో బీఆర్ఎస్ నాయకులు మరింత ఆగ్రహోదగ్రులయ్యారు. ఆరు గంటల ఆందోళన అనంతరం నాటకీయంగా పైలాన్ ను యథాస్థానంలోనే ఉంచుతామని కొలిక్కి వచ్చినట్లు నమ్మించారు. ఆందోళనకారులు కొంత శాంతించడంతో ఇదే అదనుగా మళ్లీ రంగంలోకి దిగి పైలాన్ ను తరలిస్తుండగా ముఖ్యనేతలు, కార్యకర్తలు అడ్డుపడ్డారు. అదనపు పోలీసు బలగాలను రంగంలోకి దింపి ఆందోళనకారులను చెదరగొట్టారు. కార్యకర్తలు, పోలీసులకు మధ్య తీవ్ర స్థాయిలో తోపులాట జరిగింది. ఆఖరికి అష్టదిగ్బంధనం ప్రయోగించి మాజీ ఎమ్మెల్యే కోరుకంటి చందర్, రాష్ట్ర నాయకులు మూల విజయారెడ్డి, వ్యాల్ల హరీష్ రెడ్డి , కౌశిక హరి, ఫ్లోర్ లీడర్ మేకల సమ్మయ్య, మారుతిలను బలవంతంగా వేర్వేరు…