రెబల్ అభ్యర్థులపై తెదేపా వేటు

తిరువూరు టౌన్: కృష్ణా జిల్లా తిరువూరు మున్సిపల్‌ ఎన్నికల్లో పార్టీ నిర్ణయానికి విరుద్ధంగా వ్యవహరించి, కూటమి రెబల్ అభ్యర్థులుగా పోటీ చేసిన ఐదుగురు నేతలను తెలుగుదేశం పార్టీ సస్పెండ్ చేసింది. తిరువూరు తెదేపా కార్యాలయంలో పట్టణ అధ్యక్షుడు మల్లెల శ్రీనివాస్ ఆధ్వర్యంలో నిర్వహించిన మీడియా సమావేశంలో ఈ విషయాన్ని వెల్లడించారు. పార్టీ నియమ నిబంధనలను ఉల్లంఘించి అధిష్ఠానం నిర్ణయానికి వ్యతిరేకంగా పోటీ చేసినందున పార్టీ ఆదేశాల మేరకు ఈ చర్యలు తీసుకున్నట్లు ఆయన తెలిపారు. సస్పెండ్‌ అయినవారిలో కొలికపోగు తిరుపతయ్య అలియాస్ చంటి, పీట్ల నాగేశ్వరరావు, యండ్రాతి నాగశ్రీ, అహ్మద్ పాషా, చిత్తలూరి నాగలక్ష్మి ఉన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.