రేప‌టి నుండి ఎంజీయూలో దక్షిణ భారత చరిత్రకారుల సమాగమం

– మూడు రోజుల పాటు 45వ సౌత్‌ ఇండియన్‌ హిస్టరీ కాంగ్రెస్‌ – దేశవ్యాప్తంగా 1,200 మందికి పైగా చరిత్రకారులు, పరిశోధకులు, అధ్యాపకుల హాజరు – తెలంగాణ ఏర్పాటు తర్వాత తొలి పర్యాయం ఎంజీయూలో నిర్వహణ – ప్రారంభోత్సవానికి హాజరు కానున్న ఉన్నత విద్యామండలి చైర్మన్ బాలకృష్ణారెడ్డి

రామగిరి, నవంబర్ 12 : దక్షిణ భారతదేశ చరిత్రకు సంబంధించిన నూతన పరిశోధనలు, చారిత్రక అంశాలపై విస్తృత చర్చలకు నల్లగొండలోని మహాత్మాగాంధీ విశ్వవిద్యాలయం వేదిక కానుంది. ఎంజీయూ చరిత్ర, పర్యాటక శాఖ ఆధ్వర్యంలో ఈ నెల 13 నుండి 15వ తేదీ వరకు నిర్వహించనున్న 45వ సౌత్‌ ఇండియన్‌ హిస్టరీ కాంగ్రెస్‌కు అన్ని ఏర్పాట్లు పూర్తయ్యాయి. మూడు రోజుల పాటు జరిగే ఈ జాతీయస్థాయి సదస్సుకు దేశంలోని వివిధ విశ్వవిద్యాలయాల నుండి సుమారు 1,200 మందికి పైగా చరిత్రకారులు, ఆచార్యులు, అధ్యాపకులు, పరిశోధకులు, విద్యార్థులు హాజరుకానున్నారు. ఈ జాతీయస్థాయి సదస్సు నిర్వహణ ద్వారా మహాత్మా గాంధీ విశ్వవిద్యాలయానికి జాతీయస్థాయిలో గుర్తింపు మరింత…