Revanth Reddy | తెలంగాణ‌లో మ‌రో కొత్త జిల్లా..! భార్య కోరిక మేరకు ఏర్పాటు చేయనున్న సీఎం రేవంత్ రెడ్డి

హైద‌రాబాద్ : పాల‌న‌ గాలికొదిలేసిన సీఎం రేవంత్ రెడ్డి త‌న అధికారాన్ని అడ్డుపెట్టుకొని కుటుంబ స‌భ్యుల ఇష్టాఇష్టాల‌ను నెర‌వేర్చ‌డంలో బిజీబిజీగా ఉన్నాడు. నిన్న‌, మొన్న‌టి వ‌ర‌కు భూక‌బ్జాలకు పాల్ప‌డ‌టం, దోప‌డీలో అన్న‌ద‌మ్ముల‌కు భాగ‌స్వామ్యం క‌ల్పించ‌డం వంటి ప‌నులు చేస్తున్న రేవంత్ రెడ్డి తాజాగా త‌న భార్య కోరిక‌ను నెర‌వేర్చ‌డంలో త‌ల‌మున‌క‌లై పోయాడు. భార్య కోరిక మేరకు సీఎం రేవంత్ రెడ్డి రాష్ట్రంలో మ‌రో కొత్త జిల్లాను ఏర్పాటు చేయ‌బోతున్నాడు. ఇప్ప‌టికే ఇందుకు సంబంధించిన అధికారిక క‌ర్యాక్ర‌మాల‌ను చ‌క‌చ‌కా పూర్తి చేసిన‌ట్లు స‌మాచారం.

ఇందుకు ఫ్యూచర్ సిటీ కేంద్రం కానున్న‌ట్లు తెలిసింది. తన మామ జైపాల్ రెడ్డి పేరిట కొత్త జిల్లా ఏర్పాటు చేయ‌నున్నారు. ఏ ప్రాంతాలను ఈ జిల్లాలో కలపాలని ఇప్పటికే ప్రభుత్వానికి అధికారులు నివేదికలు పంపారు. ఇబ్రహీంపట్నం, మహేశ్వరం, షాద్‌నగర్, కల్వకుర్తి, దేవరకొండ నియోజకవర్గాలతో పాటు హయత్‌నగర్ ప్రాంతం కూడా ఈ జిల్లాలోకి వచ్చే అవకాశం ఉంది. మహేశ్వరం మండలం మొత్తాన్ని, కందుకూరు మండలంలోని 9 గ్రామాలను కొత్త జిల్లాలో కలపాలని రంగారెడ్డి జిల్లా కలెక్టర్ ప్రతిపాదన చేసిన‌ట్లు తెలిసింది.