రోడ్డు ప్రమాదాల నివారణకు పటిష్ట చర్యలు : డీఆర్వో పద్మావతి

– పది నెలల్లో 191 మంది మృతి.. 409 మందికి గాయాలు

చుంచుపల్లి, అక్టోబర్ 23 : భ‌ద్రాద్రి కొత్త‌గూడెం జిల్లాలో రోడ్డు ప్రమాదాల నివారణకు అన్ని శాఖలు సమన్వయంతో పని చేయాలని డీఆర్వో పద్మావతి ఆదేశించారు. శుక్రవారం ఐడీఓసీలో నిర్వహించిన జిల్లా రోడ్డు భద్రతా కమిటీ సమావేశంలో ప్రమాదాల నివారణకు తీసుకోవాల్సిన చర్యలపై సమీక్షించారు. ఈ ఏడాది జనవరి 1 నుండి అక్టోబర్ 15 వరకు జిల్లాలో 410 రోడ్డు ప్రమాదాలు జరగ్గా 191 మంది మృతి చెందార‌ని, 409 మంది గాయపడ్డారని తెలిపారు. జాతీయ రహదారులపై అత్యధికంగా 75 మంది ప్రాణాలు కోల్పోయారని చెప్పారు. అక్టోబర్ మొదటి 15 రోజుల్లోనే 21 ప్రమాదాలు జరిగి 10 మంది మృతి చెందగా, జిల్లాలో మొత్తం 8 హిట్‌ అండ్‌ రన్‌ కేసులు నమోదైనట్లు వివరించారు.